【明報專訊】湯盈盈在劇集《新抱喜相逢》與演奶奶的薛家燕展開婆媳大鬥法，現實中她有個順得人的奶奶，婆媳相處融洽，讓她感到幸福。自去年3月榮升媽咪後，她責任感大增，但絕對不會做「緊張家長」，讓女兒凱晴自由發展。她跟大姐大透露計劃會再追多個，讓凱晴有個伴。

◆湯﹕湯盈盈 ◆大﹕大姐大

大﹕《新抱喜相逢》你同家燕姐鬥不停，現實中同奶奶相處又如何？

湯﹕好好呀！奶奶好開放，不嚴格不會有太多規矩。我未同嘉樂結婚之前，已經同奶奶好熟，成日單獨見面好似朋友般。現在我�]分開住，但我相信就算同住都不會有問題，奶奶好順得人，會互相遷就同尊重。自從我生了女兒後，同奶奶感情再增進不少，她湊大6個小朋友，好有經驗，初時工人剛來未熟手，奶奶幫手湊，幫我�]好大忙。依家放心給工人湊，讓奶奶及媽咪可以跟BB玩，不用太辛苦。

為人母性格轉變

大﹕做媽咪後是否有很大改變？責任感大了？

湯﹕係呀，責任感大了好多，我現在看電影、電視，只要劇情講媽咪同小朋友，或爸爸同女兒，我都會好激動，好易喊。之前新聞報道失蹤小凱晴其後發現被棄屍，同我個女同名，我聽到好心�U！點解會這樣？我聽不少媽咪有產後抑鬱，我沒有，性格一向較樂觀，有不開心會講晒出來。做媽咪後另一改變是對自己媽咪多了尊重，以前恃�茬戽荂A好易對媽咪發脾氣。有次我看到廣告說要同父母講我愛你，我即時打給他們，明白不講出來大家不知對方的心意。

不會做緊張家長

大﹕之前凱晴出生不久，你被影到同嘉樂去搵學校，是否會做「緊張家長」？

湯﹕我絕對不會，初時做媽咪壓力好大，聽到好多朋友話要搵學校，所以我坐完月就去報名，就被人話我是「緊張家長」。那次後我決定不可以這樣，凱晴差不多一歲大，我現在不會太緊張，會帶她去坐地鐵、巴士、渡海小輪，接觸不同事物。

大﹕會否安排女兒學鋼琴、跳舞等興趣班？

湯﹕我沒所謂，最重要看她是否有興趣，就算她鍾意踢波都可以。我細個都好好動，愛玩球類運動。

曾想過全職湊女

大﹕現在會兼顧拍劇，還是會想做全職媽咪照顧女兒？

湯﹕我曾想過不拍劇全職湊女，到時可能不會注重外表，像今日知道要影相才去剪頭髮。之前拍《新抱喜相逢》幾日無得�唌A好辛苦，我有同嘉樂呻，他叫我�W�鵅C之後我又想有工作會好些，順其自然，時間兼顧到便拍。

大﹕是否有計劃再追多個？

湯﹕我目標再生多個，兩個夠晒數，仔女無所謂，最重要女兒有個伴。

凱晴識叫媽媽爸爸

現在凱晴已識得叫「媽媽」、「爸爸」，盈盈指嘉樂第一次聽到女兒叫爸爸時，非常感動，當時正綵排演唱會，嘉樂興奮得給片段大家看，分享喜悅。盈盈還跟大姐大說，嘉樂有家庭及妻女後，太危險動作盡量不會自己做，令她不用擔心。