【明報專訊】醫學界議員陳沛然(Pierre)至今冇加入任何政團，雖然專業議政多次招手，但佢仍維持「單身」，僅被形容為「榮譽會員」。不過噚日專業議政團拜，佢都有出席同大家拜年。Emily問過Pierre會唔會加入，佢話認為維持現狀較為適合，繼續做「榮譽會員」都好喎。 會計界梁繼昌(Kenneth)形容，專業議政同Pierre可以話係「拍緊拖、未結婚、穩定(Stable)」，如果時機成熟可以結婚，但𠵱家未到談婚論嫁階段。Kenneth強調大門一向打開，歡迎任何有相同理念嘅專業人士加入，「open relationship(開放關係)呀我哋係」。 議員噚日分別拎住揮春獻畀市民同政府，社福界議員邵家臻就話佢手持嘅揮春「豬般的義」、「豬般智慧」雖然「食字」，但就畀資訊科技界莫乃光笑好似聖經字句、係咪以為自己係天主教榮休樞機陳日君。 阿臻自爆年輕時想做牧師 阿臻自爆年輕時真係想做牧師，佢同Emily講，以前日日返教會溫書，但因為家人唔鍾意基督教，佢試過呃阿媽話去打波、打機，其實就係返教會。阿臻仲形容，同阿媽講信耶穌一刻好似「come out」(出櫃)咁，好彩最終媽咪都冇乜嘢。
|
| |
| |
;){kind=small}
