【明報專訊】反修例風暴未息，有區選候選人遇襲、議員辦事處被縱火，各界關心本月嘅區議會選舉可否順利舉行，工聯會王國興搞咗個「選舉公平關注組」，上星期向特首林鄭月娥交請願信，同時約林太見面，討論點樣確保選舉公平。 王國興噚日喺記者會上話，朝早收到特首私人秘書回覆話唔會見佢哋，令佢哋感到強烈不滿同遺憾，興哥直斥「一係叫停選舉，一係政府講出如何確保選舉安全」，叫政府唔好做「縮頭烏龜」。 列12道「黑金牌」 記者會上，王國興話將近5個月嘅「暴動」，「未知暴幾時止、亂幾時停」，政府要硬推選舉，「一個負責任政府係咪咁呢？」佢仲列出12道「黑金牌」，包括候選人被襲；家人被「起底」恐嚇；有候選人義工擺街站期間被包圍，「離遠睇人著黑色衫就震咗」等。 被問到會唔會申請法庭禁制令，確保選舉公平舉行，王國興話會跟進研究；至於延遲選舉對建制派選情係咪有利，佢話呢個唔係關注組關注嘅問題。
|
| |
| |
;){kind=small}
;)
