【明報專訊】反修例風波以來，官員民望暴瀉，跌勢未止，中大香港亞太研究所噚日公布10月份政府及官員民望，結果顯示，特首同3司嘅民望都見上任以來新低，特首林鄭月娥平均評分為25.5，較9月份下跌2.7分；律政司長鄭若驊只得18分，較9月份下跌1.4分。 調查喺10月22至28日晚訪問咗714名18歲以上市民，中大話結果顯示市民對特首、3個司長、政府表現評分，以至對特區政府同中央政府嘅信任度，都較去年同期低，且跌幅顯著。 林太最新評分為25.5，佢去年同期評分有52.3，跌咗一半都唔止。鄭若驊僅得18分，去年同期有41分。另外兩名司長民望同樣下跌，政務司長張建宗得30.9分，較去年同期下跌19分；財政司長陳茂波有26.9分，較去年同期下跌14.5分。 至於對特區政府信任度方面，只有16%受訪者表示信任，表示不信任嘅有55.7%。而對中央政府，有14%受訪者表示信任，表示不信任嘅有58.4%。
|
| |
| |
;)
