【明報專訊】醫院管理局噚日新春團拜，梁智仁首次以主席身分參加，佢致辭時話，前日參加醫管局新春3公里長跑時，因為年紀大，跑得慢，全程要由行政總裁梁�蠸憭@直傍住慢慢行；不過今年新春長跑籌款就創歷屆新高，共籌得110多萬元。輪到食衛局長高永文致辭時，就尷尬自爆話自己�褽簻P期日會參加渣打馬拉松名人賽，但練習跑2公里都已經好吃力。

醫局新春跑破紀錄籌110萬

高永文之後仲話，今年已經係第四年參加渣馬名人賽幫各機構籌款，因為自己運動細胞唔太發達，所以跑步秘訣係「唔好同人鬥快」，仲要好專心咁跑，唔會沿途自拍，以免影響步速。高局長雖然百務纏身，但都仲可以逢星期日早上去九龍仔公園練跑，不過至今都係練��3次咁大把，加油呀。