【Emily】空手入社區中心飯堂 李慧琼食閉門羹 叫助理幫佢影相 職員温提禁攝
[2020.07.31] 發表
【明報專訊】全日禁堂食生效第二日，政府開咗19間社區中心或社區會堂畀市民食晏。民建聯主席李慧琼(Starry)噚日中午兩手空空到訪梁顯利油麻地社區中心，畀職員拒諸門外，後來佢請助理買個餐，職員見佢有餐喺手先畀佢入去。
民記函張建宗促撤全禁堂食
被質疑行會黨友有份通過
Starry入到中心用餐範圍不忘「相機食先」，叫助理幫佢影相，後來有職員提佢唔准影相。Starry話覺得政府明顯考慮唔周全，唔想再見市民喺街食飯。
其實前日跨黨派議員都要求政府撤回食肆全日禁堂食，噚日民建聯去信政務司長張建宗，要求立即收回全禁堂食，引來網民留言批評，話民建聯成員葉國謙同張國鈞都係行會成員，質疑佢哋有份參與制訂禁全日堂食措施，事後見勢色唔對就叫政府撤回，扮成功爭取。
蔣麗芸：兩專家黃碧雲都有建議
民建聯蔣麗芸就喺facebook發帖翻舊帳，話「到底咩人提議全面禁堂食」，被點名嘅包括港大微生物學系講座教授袁國勇、港大感染及傳染病中心總監何栢良同埋民主黨黃碧雲，佢哋日前都曾建議全禁堂食。
更多港聞
【Emily】辰衝門巿結業 告別半世紀追女仔勝地……
【明報專訊】老牌書店辰衝圖書有限公司（Swindon）門市屹立尖沙嘴樂道逾50年，曾經係市民買英文書、打書釘好去處。門市今日結業，噚日唔少人... 詳情
【Emily】爆眼教師戰直選 設計師挑戰鍾國斌
【明報專訊】喺反修例運動中爆眼嘅教師楊子俊，早排話唔選教育界立法會議席，讓路畀同路人，但原來佢轉戰地區直選，噚日喺港島區直選報名名單上，出現... 詳情
【明報專訊】面對第三波疫情，李嘉誠基金會噚日宣布捐出1.01億元畀香港嘅醫療服務同社福界。為鼓勵醫科畢業生留港服務，基金會撥出超過2000萬...
詳情
相關新聞
