【Emily】誠哥再捐1億抗疫 醫科生畢業獲5萬 鼓勵留港服務
[2020.07.31] 發表
【明報專訊】面對第三波疫情，李嘉誠基金會噚日宣布捐出1.01億元畀香港嘅醫療服務同社福界。為鼓勵醫科畢業生留港服務，基金會撥出超過2000萬，畀港大李嘉誠醫學院應屆同其後一屆嘅醫科畢業生作獎勵金，每人可獲5萬元。
承接舊年捐出1億，基金會推出《愛能助II》，準備將1.01億分別捐畀醫管局病人同港大醫學院畢業生等，前者包括資助患心臟病嘅基層接受自費手術。另外，包括惜食堂、匡智會等12間非政府組織亦受惠，共獲2200萬。
港大醫學院院長梁卓偉前日同基金會主席李嘉誠視像對話，感謝對方支持醫學院，話畢業生都好感動；李嘉誠就多謝番梁卓偉，話培育醫學人才好重要，感謝醫護喺疫情中表現專業精神，呼籲大家自律、同心抗疫。
更多港聞
相關新聞
