【明報專訊】佔中發起人之一陳健民(KM )上周六刑滿出獄，噚日喺社交網站再同大家講兩句感受。KM 話重獲自由，同家人重聚，「有許多眼淚」。佢又話，「細看家中每一角落，發現世界有許多色彩。希望以後可以在這平靜的書桌上繼續閱讀寫作，莫負讀書人的天職」。 王惠芬叫再同太太度蜜月 好多政界中人同網民留言多謝KM ，感謝佢為香港人付出同犧牲，亦有好多人話「辛苦你了……好好休息」，大家都好希望聽到KM分享喺獄中嘅生活同思考。其中王惠芬叫KM好好休息，再同太太Tracy去度蜜月。細黄伯就話，相信KM 「播下的種子，他日一定會綠葉成蔭」。 KM因2014年佔領運動被判串謀公眾妨擾，同煽惑他人犯公眾妨擾罪成，入獄16個月，佢無申請保釋，扣除假期後服刑326日，上周六刑滿出獄。佢出獄時話，監房日子雖然艱難，但從無後悔。
|
| |
| |
;){kind=small}
;)
