【明報專訊】美國總統特朗普上月正式簽署《香港人權與民主法案》，美國國會幕僚近日親自嚟咗香港，將法案副本送畀香港眾志秘書長黃之鋒(圖左)同歌手何韻詩(圖右)。 黃之鋒喺facebook話，美國國會幕僚為佢送上由總統特朗普、眾議院議長佩洛西同參議院多數黨最資深議員Chuck Grassley 簽署嘅法案副本做紀念。 黃之鋒早前被裁判官拒絕佢嘅出境申請，所以佢𠵱家唔可以去外國演講同做游說工作。佢形客自己喺國際倡議嘅參與上的確有阻滯，未來一年就要靠現時喺美國讀書嘅羅冠聰、眾志常委敖卓軒，以及Hong Kong Democracy Council US嘅朋友同一眾手足幫手，繼續喺當地游說，務求促成美國行政當局可以喺總統大選前執行法案嘅制裁機制。法案會制裁令香港基本自由或自治程度受損嘅人，招數包括封鎖資產、禁止申請簽證或入境，以及註銷現有簽證等。 指德國版聯署簽名未夠數 黃之鋒亦呼籲大家簽名，參與德國版《香港人權與民主法案》嘅聯署，話聯署12月25號就截止，需要5萬個簽名，但目前得幾千個。
|
| |
| |
;){kind=small}
;)
