【明報專訊】噚日情人節，又係新正頭，政界都有唔少團拜及拜年活動，而特首梁振英(CY)噚日朝早出席鄉議局團拜後，下晝就被有線電視影到佢著住件tee現身中環，帶狗狗輕鬆散步，其間都有人搵佢合照。而新民黨主席葉劉淑儀中午就與舊同事譚榮邦，相約舊上司、前布政司鍾逸傑爵士聚餐，一齊慶祝眾人牛一嘅初七「生日」。

CY放狗 莫乃光行山

葉太話，鍾逸傑係佢同譚榮邦喺新界政務署工作時嘅上司，話鍾年近九旬，思路依然非常清晰，熟悉香港當下局勢。葉太仲趁情人節送咗盒朱古力畀鍾逸傑。

資訊科技界議員莫乃光就好健康，同一班朋友喺霧中穿越大嶼山西部，經觀音山、羗山、萬丈布、牙鷹山，至大澳終點。佢話霧中山嶺別有風味。