【明報專訊】已經離開官場嘅民政事務局前常任秘書長楊立門，向有「AO歌王」之稱，佢噚日喺商台《在晴朗的一天出發》，自爆後生時好鍾意唱歌，曾經參加新秀歌唱大賽，晉身十名內。佢話做咗政務官30年，?家想做自己鍾意嘅事，噚日就帶咗一首自己作詞、作曲、主唱嘅歌《再牽的手》喺節目播出。 佔領後版本 盼向前看 楊立門話，睇見社會撕裂伸展到個人、家庭，覺得社會唔應該「卡住」喺呢度，於是作歌抒發己見。佢話《再牽的手》第一個版本比較「灰」，佔領運動後嘅第二個版本，應該向前看，希望社會經歷激烈抗爭後反省，「拖番隻手，向前走一步」。 佢又自爆鍾意文藝創作，未來會嘗試創作小說，離開官場試新事物，亦會繼續作曲，但音樂創作未必同社會議題有關。楊立門首新歌已經放咗上YouTube，有興趣可以搵嚟聽吓。
|
| |
| |
;){kind=small}
;)
