【明報專訊】工聯會理事長、反佔中大聯盟發言人吳秋北早前接受《明報》訪問話，若年輕人不改變極端思維，續以佔領爭取民主，「我們只好放棄他們」。Emily噚日喺立法會見到政務司長林鄭月娥，當然要問吓林太會唔會放棄年輕人，不過林太就低頭不語，未有回應。 工聯會榮譽會長陳婉嫻就表明絕對唔同意吳秋北言論，嫻姐話社會應該包容啲，仲話下次見到阿秋北，會問吓佢「使唔使咁言重」。 社民連主席梁國雄就話吳秋北係咪「食懵咗」，反問吳秋北係咪要將年輕人拎去勞改。至於喺六七暴動期間，因派發反港英殖民地政府傳單而被捕判監嘅民政事務局長曾德成又點睇「放棄論」呢？行色匆匆嘅曾德成喺立法會拋下一句「我哋唔會放棄年輕人」就走咗。
|
| |
| |
;)
