【明報專訊】自稱退休房屋署職員、現任夜間保安員的57歲張父，於兒子輕生後在醫院不斷自責「我唔係一個好老竇」，又說「做任何事都只係睇結果，唔睇過程，搞到個仔咁，我覺得自己真係好失敗」。當他傍晚收到醫生通知，稱「文仔」情况好轉，已減少用藥，稍後可能蘇醒，惟其腦部受損或會令智力下降，張父即流着淚喃喃說﹕「希望文仔快點醒來，個腦不要有事啦」。 「我唔係好老竇」 徹夜未眠的張父下午一度返家稍作梳洗，並帶記者到文仔睡房接受訪問，其間見到兒子電腦桌上一個吊牆書櫃內載滿的動漫物品，即道﹕「做咩咁傻，死都有勇氣，有咩會無勇氣面對呢」；一轉頭望着靠窗的牀，又哭訴﹕「你係我個仔，我養你過世都無問題，我唔食都畀你食㗎，做咩諗唔開呀……我唔明呀！」此時張父衝出梳化坐下，記者安慰他，着他先好好休息一晚，張父只哭着回應稱「今晚都唔知返唔返(工)好，手停口停呀」。 以後必求助社工 張父稱，他月入約8000元，每月需交租1200元，戶口只有約1萬元，原打算為亡妻日後骨灰龕位之用，現或需先用作醫治兒子，擔心日後無足夠醫藥費照顧文仔；又指若文仔蘇醒，必定會找社工協助、多與兒子溝通，避免兒子再做傻事。明報記者 林智傑 丁灝嵐
|
| |
| |
