【明報專訊】打風咁大風當然唔適合放風箏，不過10月通常秋高氣爽，就係放風箏嘅好日子。南區區議會喺重陽節將會搞「數碼港風箏同樂日」，呢個「乘風而行」風箏同樂日，10月13同14日分別喺數碼港商場全天候廣場同海濱公園舉行，首日有以六角風箏見稱嘅日本白根風合戰協會同印度門格洛爾代表隊示範彩繪風箏，第二日會有免費風箏借用服務。詳情可打去2214 0280查詢。 中環設免費風箏展覽 而即日起至10月10日，中環街市「綠洲藝廊」都有個風箏展覽，展出山東濰坊風箏大師「紮、糊、繪、放」嘅技藝，免費嘅。所謂「紮、糊、繪、放」，即係紮架、糊紙面、繪花彩、放風箏，展覽亦會分開呢4個主題，展出風箏嘅係中國濰坊市大師王永訓師傅，會有龍頭蜈蚣風箏同沙燕風箏等睇。南區區議會主席朱慶虹話，希望展覽可以令市民感覺風箏獨有嘅傳統氣派。
|
| |
| |
;){kind=small}
