【明報專訊】佔領中環發起人之一戴耀廷(Benny)係惹火人物，Emily聽到，拔萃男書院今個星期四請咗Benny返母校，同學生對話，另一名舊生、新民黨副主席田北辰(田二少)都會參與。 男拔：舊生分享常常搞 協恩中學曾舉行一連兩場佔中論壇(戴耀廷及范徐麗泰)，引起爭議，搞到有反佔中者去門外示威派傳單，而男拔校方消息強調，今次只係一個舊生回校對話治動，恆常有做，亦請過唔同政治背景嘅人出席呢類舊生對話集會。 周四舉行 翟紹唐主持 校方消息話，今次集會題目係「信仰與政治」，同時請咗同係舊生嘅監警會主席翟紹唐做主持，主要畀中四至中六學生參加，無收到家長話有關注。而預計到傳媒朋友可能有興趣，所以會開間房畀記者睇直播。 田少：唔幫戴講佔中 Benny亦話今次係一場舊生對話，題目亦不止關於佔中，也涉及基督徒與政治參與嘅問題，相信校方已做好一切準備。 田二少就話唔會喺論壇上講佔中，因為對方已經講咗好多，唔會幫佢講，只會講自己對政改嘅睇法喎！
|
| |
| |
