【Emily】女子影聆訊畫面send畀男友 被召入庭
[2020.08.21] 發表
【明報專訊】高等法院噚日開庭審理首宗違反《港區國安法》被告嘅申請人身保護令同埋保釋申請，聆訊期間有段小插曲。一名女子被指喺法庭嘅延伸部分用手機影咗聆訊直播電視畫面，被法官召入庭內要求解釋。
廣東話略帶鄉音嘅短髮女子(左白衣者)，喺庭上交出身分證後，法官周家明用英文問佢識唔識廣東話，佢就話自己聽唔明英文。佢解釋影相係為咗「證明我喺法庭」，仲話影咗兩張相，send埋畀男朋友。另一法官李運騰聽到就話情况「可大可小，考慮將你嘅案件轉交警方調查」，但因為該女子願意刪除相片，同埋會說服男友刪相，周官最後抄低佢嘅聯絡資料就畀佢走。
更多港聞
【明報專訊】民主黨立法會議員噚日開記者會，話會依據全港抽樣嘅民調決定留唔留任至少延長一年嘅立法會任期，佢哋尚未公布民研機構、提問方式等。工聯...
詳情
相關新聞
