[昔日明報]
【明報專訊】立法會噚日召開本年度最後一次大會，近期因病唔多返去開會嘅經民聯立法會議員劉皇發，反而準時現身，大家終於可以喺最後一次大會等到發叔一齊開會。發叔10點幾就返到立法會準備，望落去精神唔錯。之前有報道指中聯辦主任張曉明因為不滿要「等埋發叔」先投票，搞到建制派喺政改投票中甩轆，又話中聯辦想拉發叔落馬。被問到有無睇過個報道、有咩回應，發叔就話「我唔睇報紙，佢識我，我又唔識佢」。有行家關心發叔健康，仲問發叔𠵱家仲有無去打牌，發叔反問﹕「你話呢？」
(郭慶輝攝)
;){kind=small}
