【明報專訊】每年4至8月係榴槤當做季節，噚日泰國駐港商務專員辦公室開咗個記者會，話當地榴槤舊年出口比2013年同期升超過六成，分別有28萬噸送去內地、35.7萬噸送嚟香港。但早排網上有傳泰國出口「黑心毒榴槤」，話泰國榴槤染咗黃色液體，專員辦公室就澄清，話呢個係不實謠言，話染料係薑黃液體，嚟自天然草本嘅薑科植物，將根莖磨成粉仲喺咖哩主要香料之一，絕對可供食用咁話。 專員辦公室話泰國係「世界第一之榴槤出口國」，而呢排有「不可靠消息」話泰國出口有黃色液體嘅有毒榴槤，係「誤導消費者」，除咗澄清染料係嚟自薑黃，又話所有出口榴槤都受到部門嚴格監管，全部攞到生產認證。 而且呢批榴槤係產自中國投資者經營嘅泰國農地，係依據「個別私營投資者指示，目的令榴槤外殼更亮麗」，亦只係供畀內地市場，唔係入口嚟香港。
|
| |
| |
;){kind=small}
