【明報專訊】政府近年追潮流，用公帑開發唔少手機同網上應用程式(App)推廣政策，但成效係點，睇吓政府提交畀立法會財務委員會文件就知。文件顯示，旅發局上年就推出咗「香港?我的智遊行程」同「香港?在地人帶路」兩個App，其中上年3月推出嘅「香港?我的智遊行程」使咗81.9萬公帑，推出1年有7萬人次下載，而上年12月推出嘅「香港?在地人帶路」，總共花咗43.3萬元，到今3個幾月只係得1508人次下載。
環保署上年3月都有一個「咪嘥嘢」免費App，提供全港公眾地方嘅回收點位置同減廢回收資訊，呢個App嘅開發同首年維護及更新程式嘅就用咗75.3萬元，推出一年下載8250次。
除咗手機App，投資推廣署就選擇內地人常用嘅新浪微博拉近同客戶距離，個微博由2012年12月開通，發放咗約140條博文，但「粉絲」只有大約230人。
