【明報專訊】高清網絡電視機頂盒日漸普及，無綫TVB最近都推出自家機頂盒「TVB Anywhere」，新產品係一個圓形盒，似月盒罐，得手掌咁大，仲有TVB三色標誌，盒後面齊備多個插口位連接HDMI、USB、LAN線，但唔係為港人而設，而係主打歐洲等睇唔到myTV嘅海外市場，最快5月推出。Emily喺截稿前未收到TVB回覆查詢。 最快5月推 盡看TVB頻道 TVB喺網上宣傳片段話盒子有唔少功能，包括「七天回看」、「視頻點播」、「隨身看」、「多頻道直播」同「無線飛屏」等。TVB嘅歐洲官方facebook亦已賣廣告，話英國同美國已開始接受預訂，預計下月推出。據了解，以歐洲做試點，係因為嗰邊盜版TVB節目比較多。 Emily聽講無綫盒子去年起由TVB自家研發，先喺歐洲推出，下一步係澳紐，暫未打算開發內地市場，只要裝咗機頂盒就睇到香港TVB所有頻道。電腦雜誌《PCM》噚日打咗英國預訂熱線問價，原來盒子要99英鎊(約1286港元)，另再加99英鎊年費，可以睇55條頻道，睇嚟都唔平。
|
| |
| |
;){kind=small}
