【明報專訊】反修例風波持續，警民關係惡劣，但喺內地就有唔少人支持香港警隊執法，而7月底喺葵涌警署外舉起霰彈槍嘅「光頭警長」劉澤基已成為網絡紅人，其微博有逾88萬粉絲，Emily噚日發現，淘寶更加有劉sir嘅1/6模型公仔預售，盛惠人民幣50蚊。除咗仿照原型配備霰彈槍，全套figure仲有埋胡椒噴劑、警棍、左輪手槍、護膝護肘等防暴武器同裝備。

有香港網民就關注「請問有冇跟埋委任證」，Emily就唔見有喇。