【明報專訊】民主派同建制派早前都「冧人」加入唔同嘅立法會事務委員會，為求鬥人多去爭奪委員會正、副主席。隨着大部分委員會嘅爭位戰已告一段落，有唔少建制派議員喺任務完成後，立即退出委員會。工務小組暫時係重災區，現時已經有10個建制派議員退會，個個都話由於議會工作有調動，所以要退會。 根據立法會文件，有10個建制派議員退出工務小組，包括建制派「班長」廖長江、陳振英、?何俊賢、姚思榮、潘兆平、吳永嘉同林健鋒等功能組別議員。 發展事務委員會有4個議員退會，房屋事務委員會亦有5個議員退會。暫時退會嘅都係建制派議員為主。 另一方面，立法會司法及法律事務委員會至今仍未選出主席。噚日委員會開咗個半鐘頭會議，泛民繼續互相提名，其間又因規程問題等一度暫停會議，最終會議結束仍未選主席。
|
| |
| |
;)
