【明報專訊】區選戰幔拉開，民建聯噚日喺facebook出咗條短片，話為下一代「投理性一票 讓香港重回正軌」。片中一開頭就彈出字幕，話「如果再咁落去，你嘅下一代可能會...」，之後有個打扮同前線示威者差唔多，穿黑衫、戴手套同防毒面罩嘅老師，拎住鐵槌教學生認字，但指鹿為馬，如黑板上寫住「暴力」，佢就教學生讀做「和平」。 有讚有彈 「只求老人一票？」 黑板上面個字係「破壞」，老師就教係「裝修」；「懲罰」就教係「消費」。啲學生跟住讀，獲老師讚賞「讀得好好」。之後再有字幕彈出，「唔想你嘅下一代變成咁？11月24日投理性的一票」。 短片下有人留言支持，話：「守護孩子，投民建聯；為了下一代，更要投票民建聯！」但亦有大批網民批評，話「就係唔想下一代都變成咁?所以『守護孩子 不要民建聯』光復香港 時代革命」；有網民話民記出呢條短片「係唔係宣布與年輕人敵對，只求老人家一票？」
|
| |
| |
;){kind=small}
;)
