【明報專訊】建制派議員何君堯言行惹火，今個星期同下星期嘅立法會大會，都分別有泛民提出譴責佢行為不檢嘅動議，聽日先由公民黨郭家麒動議譴責何君堯喺「元朗7．21」事件中同白衣人握手；下周就到議會陣線毛孟靜就何君堯早前喺內會會議上話佢「食慣洋腸」，而提出譴責。 平機會收查詢 無權跟進立會內言論 何君堯爆出「洋腸論」，當時已被內會主席郭榮鏗裁定提及性器官、有冒犯性，而被逐出會議室；平機會亦收到多宗查詢，認為何嘅言論涉性騷擾，但平機會發聲明話無權力跟進立法會內言論。 毛孟靜提出嘅譴責動議，認為何君堯係對女性議員作出性騷擾同種族騷擾嘅言論，言論完全有違議員應有品行，使立法會蒙羞，嚴重損害市民對立法會嘅信心，辜負公眾對立法會議員嘅期望。
|
| |
| |
;)
