【明報專訊】城大校園電視媒體「城市廣播」喺facebook發帖，發起「大茶飯聚」，原來係城大嘅AC1同AC2 Canteen今日結業，之後會有新承辦商接手，所以「城市廣播」希望城大人可以去飯堂，食最後一餐漢堡包同海南雞，同時向員工講聲多謝，多謝佢哋一直以嚟為大家提供學界入面數一數二高質嘅膳食服務。 順便為近日事件「圍爐取暖」 帖文又話，近排香港發生咗好多唔開心嘅事，大家可以藉呢個機會返嚟「圍爐取暖」，又話「食飽是為了走更遠的路」，叫大家返去食個靚飯，再參加今個星期三(26號)民陣搞嘅G20集會咁話。 對於飯堂轉手，有人留言話「唔係啩……咁高質都轉」，亦有人話今日會去食。城大與又一城接連，唔少街客間中都會去城大飯堂用膳；「城市廣播」話，活動只准城大教職員同學生參與，又話「雖然好好味但你班街外人唔好入嚟偷食ok？」
|
| |
| |
;)
