【明報專訊】面對人口老化等問題，近年政府大力推動樂齡科技，社聯今年5月展開樓梯機服務計劃，由4間非政府機構用樓梯機協助住喺唐樓嘅長者等有需要人士落街。Emily聽講，超強颱風「山竹」襲港之後，有啲地方例如杏花邨部分升降機停用，樓梯機就大派用場，仲幫一個婆婆落樓，順利參加愛孫嘅婚禮。 今屆政府成立嘅10億元樂齡及康復創科應用基金第四季開始運作，資助服務單位買或試用科技產品。社聯業務總監馮一柱透露，社聯幫緊政府擬定一個產品清單，相信會有10幾樣，例如機梯機。樂齡科技博覽暨高峰會下月22日至25日就舉行，佢話今年有百幾間參展商，到時仲有「十大武器」，包括牙齒清潔機，只要長者戴住接駁住機器嘅牙套，牙套就會噴水清潔牙齒。 其實樂齡科技喺香港要入屋唔容易，社聯行政總裁蔡海偉話，明年會推動樂齡科技產品租借服務，由社聯統籌，再搵非政府機構合作，畀市民租用產品，希望幫長者居家安老。
|
| |
| |
;)
