【明報專訊】「民間特首」劉德華早前為智庫團結香港基金片段旁白，sell東大嶼人工島填海方案，引起唔少爭議。新民主同盟成員譚凱邦(Roy)就將該片段二次創作，仲hashtag話係「東大嶼填海誠實版」。譚凱邦喺片中反問，上唔到車、買唔起樓、放假逼等等，會唔會係源自人口政策嘅基本問題？ Roy又話增加土地供應中短期都有發展棕地、粉嶺高球場等方法，又引述民間學者話估計埋單最少5000億，「究竟呢班人，係咪只想將基建債送畀下一代、完結香港呢？」 行政會議成員湯家驊(Ronny)就喺facebook為劉德華護航，話對方只係旁述，「究竟犯了什麼罪，要忍受這種鋪天蓋地的人身攻擊、要引出這麼大的政治陰謀論？那些每次也高呼香港要有言論自由的人，為什麼不走出來評評理，說些公道話？」
|
| |
| |
;)
