【明報專訊】唔少家長呢排都帶埋小朋友一齊行書展，書展亦設有兒童天地，搵名人講故事畀小朋友聽，噚日就安排公民黨立法會議員楊岳橋(AY)講《醜小鴨》。 是否生小朋友隨緣 等上帝安排 AY講故事似乎幾成功，小朋友聽得好開心，仲話要聽多次。AY講故事咁叻，咁識𧨾小朋友，唔知上年結婚嘅佢又會唔會生小朋友、可以日日喺屋企講故事？AY話隨緣，等上帝安排。 主持人同小朋友介紹Alvin哥哥講故仔，台下嘅家長睇嚟仲興奮過自己嘅小朋友。AY亦非常落力，講到七情上面，扮雞叫又扮貓喵，不時問小朋友問題，大家都有互動，𧨾得啲小朋友不知幾開心。個故仔講咗10幾分鐘就完，有細路仔直接話想聽多次，可惜時間有限，無得encore。 AY講完醜小鴨故事，就教小朋友要尊重同保護與自己唔同嘅人；即使自己同其他人唔同，都可以搵到適合自己嘅路。
|
| |
| |
;){kind=small}
;)
