【明報專訊】食物及衛生局噚日宣布委任3名新成員加入降低食物中鹽和糖委員會，其中一人係即食麵生產商「日清食品」嘅董事長、第三代掌舵人安藤清隆，任期由今年4月15日至2021年3月14日。另外兩個獲政府委任嘅新委員，包括張思定同馬桂榕。 Emily翻查資料，日清食品原來喺2016年將合味道杯麵入面嘅鹽分減少，又研究用天然鮮味代替鹽，想留住味道，但又可以減到含鈉量，目標係喺2020年前減鈉15%。 食物及衛生局長陳肇始話委員會一直就推動減低公眾攝入鹽和糖嘅措施，向食衛局提出唔少寶貴同實用嘅建議，佢期待日後獲得委員會更多建議。 合味道杯麵目標明年前減鈉15% 委員會主席繼續由行會召集人陳智思擔任。委員會喺2015年3月成立，就減低市民鹽和糖攝入量，制定政策方向同統籌相關工作，以及制定減低香港食物中鹽和糖含量嘅工作計劃，監督同檢討計劃推行。
|
| |
| |
;)
