【明報專訊】一帶一路建設係國家戰略，特區政府亦為此開設辦公室，噚日立法會會議上，自由黨黨魁鍾國斌(Felix)提出相關口頭質詢時，成個會議廳空蕩蕩，署理商經局長陳百里答完主體問題後，無任何議員提跟進問題，會議廳在席議員得番Felix。陳百里面對呢個情况一臉茫然，而Felix都似乎嬲嬲哋，問「今日嘅問題係無聊定無用」，質詢歷時僅8分鐘就完結。 Felix係問2016年政府成立嘅一帶一路辦公室至今每年人手開支、未來預算，以及工作成效、未來計劃等。陳百里好詳細咁回答質詢，細數辦公室過去工作，提到計劃於今年中召開第二次國家發改委同特區政府嘅「一帶一路」聯席會議。 之後，Felix見到會議廳無其他議員，於是問立法會主席梁君彥有冇見過質詢時間係冇議員、冇跟進問題，語帶氣憤咁話「一帶一路係國家咁重要嘅政策，竟然喺香港議會冇人跟進，我冇嘢跟進！」
|
| |
| |
;)
