【明報專訊】一年一度嘅除夕倒數煙火音樂匯演今年照舊喺維港上空上演，仲引入獲獎嘅意大利煙花，會有「萬花筒」效果，最後1分鐘又會爆出45種圖案，務求帶嚟震撼嘅視覺享受！

今年煙火音樂匯演將歷時10分鐘，同往年一樣用5艘躉船，煙火畫面由中環延伸至天后，有1100米闊，高300米。其中一幕「星空萬花筒」會使用喺多個比賽獲獎嘅意大利Panzera煙花，睇落會好似萬花筒，顏色同圖案都會不斷變化。

旅發局節目及旅遊產品拓展總經理洪忠興話，匯演預算花1400萬元，今年取消咗舞蹈匯演，所以可以比舊年用少約一二百萬。

預算花1400萬元

如果大家怕出街同人迫，只想留喺屋企睇電視就要留意喇，因為今年旅發局同ViuTV合作，節目只會喺99台同埋YouTube等社交平台直播！