【明報專訊】消防除咗衝入火場救火，仲會「衝」入護老院，衝入去做咩呢？原來係幫一班公公婆婆剪頭髮。每個月消防隊義工會幫住喺護老院嘅公公婆婆剪頭髮，等佢哋可以見到呢班救急扶危嘅精英。 駐守東涌救護站嘅救護總隊目麥業華接受政府新聞網訪問時就話，唔好以為剪頭髮容易，每個婆婆嘅髮質、紋理、生長速度唔同，好講技巧。但76歲嘅陳少英婆婆就話，班消防義工嘅剪髮技巧已經比以前啱啱嚟嗰時好咗好多喇，仲話可媲美市面嘅髮型師。消防做事要「快」嘅宗旨仲可以應用喺學剪髮上喎。 消防除咗夠快，仲夠大隻。唔少公公婆婆要坐輪椅，想出去行街、飲茶、做運動都唔易，好彩班義工夠體力，可以推到公公婆婆出去玩，又可以推上斜坡，去啲路面崎嶇嘅地方都無問題。 (政府新聞網)
|
| |
| |
;){kind=small}
;)
