【明報專訊】廉政公署嘅宣傳短片，由早年嘅索賄者喺「乞兒兜拿飯食」，到近年嘅「指鹿為馬」，好多都令人印象深刻，政府新聞網同廉署人員做咗個訪問，回顧逾70套宣傳短片，仲介紹剛於1月播出嘅新一輯「理想篇」短片，以不同年輕人打上彩色手印，以示來自不同行業及理想嘅人，喺維護廉潔方面嘅心係一致嘅。Emily心諗，其實無論你係黃色定係藍色，香港人都真係要支持廉潔嘅價值。 廉政公署首席傳媒宣傳創作主任李程寶嫻接受政府新聞網訪問，佢話製作短片時，廉署會因應當時嘅社會情况、貪污趨勢、民意調查結果等因素決定廣告主題，回想1960、70年代社會貪污嚴重，所以宣傳片每多針對貪污禍害，鼓勵市民挺身舉報。其中1975年嘅短片以女小販為主角，直斥索賄者喺「乞兒兜拿飯食」，惡行必須親自舉報，好多人都仲記得。而去到1990年代尾，選舉日多，廉署又製作多套短片，其中一個廣告係《洗手篇》，指選舉中受賄等同玷污雙手，點洗都唔乾淨㗎。
|
| |
| |
;){kind=small}
;)
