【明報專訊】影響中大4發布會 9．28佔中開始，大部分新聞版面都係佔領運動嘅消息，其他新聞好多時都要靠邊站。中文大學醫學院公關Emmy噚日就同Emily吐苦水，話「佔中開始後呢兩個月，醫學院有4個新聞發布會都被壓下來」。原來，各傳媒機構記者日夜去採訪佔中，幾乎無人派去採訪醫學院嘅新聞。 公營機構呻 好少記者到 Emmy仲話，中大醫學院喺10月有個新聞發布會嘅日期，撞啱政務司長林鄭月娥與學聯代表對話，醫學院知道唔會有記者得閒嚟，唯有將記者會推遲至呢個月、下個禮拜，點知班學生仲未退，?家佢哋都未確定記者會係咪搞得成。 其實，其他機構都遇到同樣嘅「煩惱」，有公營機構公關同Emily呻，最近佢哋開記者會，本來約咗9間傳媒機構，最後只得3個記者到，翌日只得好少篇幅報道。 中大醫學院院長陳家亮勸Emmy考慮將啲記者會推遲啲，陳家亮又話，12月醫學院考試，醫科生全部返晒學準備考試，無走堂去參加佔領，避開咗禮拜日學聯發起圍堵政府總部引起嘅衝突。
|
| |
| |
;)
