【Emily】高官議員紛現場觀亞運 杭州撐港隊 特首見證張家朗奪金

杭州亞運港隊喺噚晚嘅劍擊賽事中取得第二面金牌，特首李家超（前排左二）都有去欣賞「劍神」張家朗（右二）比賽，見證家朗摘金。左一為霍震霆。（李家超facebook圖片）

港隊代表隊噚日喺亞運奪得兩面金牌，雙人單槳賽林新棟（左三）、王瑋駿（右三）先喺朝早奪金，文體旅局長楊潤雄（左二）、中國香港亞運代表團團長霍啟剛（右二）、康文署長劉明光（右一）親眼見證。（曾憲宗攝）

杭州亞運港隊喺噚晚嘅劍擊賽事中取得第二面金牌，特首李家超（白衣握手者）都有去現場欣賞「劍神」張家朗比賽，見證家朗摘金。（鍾林枝攝）

【明報專訊】特首李家超、文化體育及旅遊局長楊潤雄、部分立法會議員去咗杭州支持港隊運動員出戰亞運，其中李家超一早表明「今天(昨日)只做一件事：為運動員打氣」。他及楊潤雄上午分道揚鑣，楊去睇划艇，李家超去睇游泳初賽，結果楊潤雄見證到賽艇運動員林新棟同王瑋駿喺男子雙人單槳賽奪得港隊亞運首金，喺現場一齊歡呼，話喜悅無法形容。到咗晚上，李家超同楊潤雄一齊去劍擊館，見證張家朗首奪亞運金牌。

李家超噚晚接受傳媒採訪，話對於港隊表現感到振奮，相信市民見到都會感到鼓舞。有傳媒問到大型體育賽事轉播權問題，問今次本港只有一家電視台轉播(免費電視台)，李家超就話每次都會按實際情况處理，今次康文署喺30幾個地方有轉播賽事。

食杭州名物定勝糕 盼港隊發揮水準

睇番唔少高官同議員嘅facebook，唔少人都去咗杭州支持港隊。香港亞運代表團團長、立法會體演文出界議員霍啟剛喺現場見證第一金，喺港隊衝線之際霍啟剛激動到跳起，然後同楊潤雄擊掌，佢哋並與港隊合照。

另外，李家超提到噚日早餐其中一款糕點叫「定勝糕」，係杭州名物，話相傳係杭州人當年為南宋名將岳飛製作嘅糕點，希望佢能戰勝回歸，所以佢都憑糕寄意，希望港隊發揮水準。

更多港聞

【Emily】消委續查黑客影響範圍 籲《選擇》訂戶改密碼

【明報專訊】消委會電腦系統日前被黑客入侵，近八成電腦系統受損。消委會噚日向《選擇》月刊訂戶發電郵，除交代黑客入侵事件，亦提出多項措施建議，等... 詳情

【Emily】列車車廠同被塗鴉 港鐵報警籲愛惜

【明報專訊】有網民噚日喺facebook群組分享港鐵將軍澳線列車車身被塗鴉嘅相，見到第二至第三卡車廂有啲五顏六色嘅英文字。港鐵話職員噚日朝早... 詳情

【Emily】8月400萬旅客 港機場獲選亞洲最佳

【明報專訊】暑假結束，機管局公布8月嘅旅客及航班統計，8月有399.6萬人次旅客，貨物運輸量36.7萬公噸，與去年新冠疫情時同期比係大躍進，... 詳情

【Emily】太古培訓10大學生 助籌備聖誕市集

【明報專訊】政府成日提到要「搶人才」，有企業就趁學生未畢業，提供機會畀來自兩間大學嘅10名學生，參與職業及生活規劃、氣候變化、AI（人工智能... 詳情

【Emily】林超英教拆唧筒 取塑膠零件回收

【明報專訊】「藍廢紙、黃鋁罐、啡膠樽」講就容易，但好多物品都由多種物料組成，未必可以直接攞去分類回收。天文台前台長林超英噚日就喺facebo... 詳情