【Emily】機電署巡200抗疫場館「睇風」
[2022.05.02] 發表
【明報專訊】第五波新冠疫情期間，政府將室內體育館改做臨時社區隔離設施或檢測實驗室。發展局長黃偉綸喺網誌話，每次改動都要機電工程署公務員出動評估或做加裝工程，至今已睇過200幾個場地嘅通風同機電設備，署方同時提供24小時緊急維修服務。
網誌引述機電署工程師鍾劍泉話，原先體育館嘅冷氣系統主要以室內空氣循環，若要轉為畀長者嘅暫託中心，要喺室外抽入鮮風，而排出嘅空氣就要經加設消毒設備過濾或消毒先至排走。鍾又話，為符合衛生防護中心指引，室內必須達到輕微負壓或平壓狀態；佢指第五波嚟得急，唔同部門之間合作同反應都好快。
負責喺石硤尾公園體育館營運約180個牀位嘅九龍樂善堂，總幹事劉愛詩就話，佢哋3日內組成60人護理團隊，照顧來自安老院舍、雙老或獨居而初步確診或輕症嘅長者。黃偉綸話，由於確診長者都可能有唔同藥物處方同埋護理需要，衷心感謝樂善堂迅速提供支援。佢又話有賴政府、私人機構同市民合作，先可以做到「房等人」、「針等人」、「牀等人」。
更多港聞
學生會稱嶺大收回民主牆 校方：按需要分配使用權
【明報專訊】嶺南大學2月8日通知學生會及其屬會，收回會址所屬的康樂樓部分地方，限令5月7日遷出，稱要修葺大樓，以供更多活動空間。嶺大學生會形... 詳情
【明報專訊】公營小學增中層人手、理順校長及副校長薪酬的撥款項目，原定2019年7月5月於立法會財委會討論，惟會議因社會事件而取消，項目本周五...
詳情
相關新聞
