【Emily】青年評政府用社交媒體「肥佬」
[2020.04.29] 發表
【明報專訊】香港青年協會青年研究中心成立嘅「青年創研庫」，前日公布「善用社交媒體提升管治」研究報告，結果顯示，受訪嘅1028名青年中，絕大部分曾喺社交媒體接觸特區政府嘅資訊，但佢哋對政府喺社交媒體上解釋政策、掌握民情、塑造形象、應對危急事件、提供公眾參與平台，以及澄清失實資訊等方面嘅表現，評價極不理想，平均分介乎1.53至2.35分，低於5分及格水平。
有952名受訪青年話喺社交媒體有接觸過政府資訊，當中43.3%話經常或間中利用表情符號回應帖文、11.7%經常或間中留言。但有69.2%受訪者認為，政府喺社交媒體上停留於資訊發放、缺乏互動；77%人認為政府帖文欠吸引。
負評多欠策略 青年創研庫倡檢視
青年創研庫「管治」組別副召集人黃雋康引述研究話，政府運用社交媒體已有10年，但常惹來負評多於讚好；亦缺乏策略，難免令社會關注其成效。佢建議政府全面檢視，並就應用社交媒體目標及人力培育等範疇制訂策略，以彰顯重視程度。
調查於2至3月期間進行，採網上自填問卷方式，受訪者係15至34歲嘅青協會員。
更多港聞
相關新聞
