【明報專訊】前日長者發起「銀髮族遊行」，以行動支持年輕人，感動唔少市民。噚日有連登巴打話，有需要拉攏銀髮族，提議設立「蓮燈」討論區，凝聚長者抗爭力量。 討論區字體大3倍 呢位巴打建議，為方便長者，討論區字體大3倍，背景變成最受長者歡迎嘅蓮花圖樣，而且每日會有不同嘅平安句子，例如「遠離警察暴力，祝願一家平安」。 巴打仲建議「蓮燈」要有迎合長者口味嘅平台，例如「長輩圖台」、「養生台」；另有動員行動嘅「野餐台」，等長者加入抗爭行列，日後示威時，令警察更加警惕，唔會錯誤使用武力，誤打長者。巴打話其實長者過去傾向支持建制派，係源於缺乏其他人關心，如果年輕人主動關心，兩代人溝通多啲，會對長期抗爭有好大幫助。
|
| |
| |
