【明報專訊】有「IQ160」之稱嘅勞工及福利局長羅致光(CK)熟悉勞福政策、數口叻就街知巷聞，原來佢仲精通風水。噚日CK同Emily及一班行家茶敘，講到觀塘展亮技能發展中心重置問題時，提起以前醞釀觀塘市中心重建時，市建局2006年搵咗著名堪輿曆法專家蔡伯勵去睇風水，CK都有跟埋去，仲齊齊上咗apm商場頂層俯瞰成個舊區。

「水生木、木生火、火生土……」，CK噚日「風水佬」上身，好似平時解釋政策咁同Emily講解風水原理。唔講唔知，原來CK喺40歲時去咗學易經，對風水都有一番認識，仲識得用羅庚。佢仲自爆幫過立法會前主席曾鈺成嘅孫改名，或者下次政府要幫新發展項目改名，可以考慮叫CK獻計，可能會順風順水啲。