【明報專訊】新民黨主席葉劉淑儀、副主席潘國山同該黨顧問、保安局前局長黎棟國上星期去咗杭州了解當地嘅高新科技發展，葉太噚日喺facebook分享此行，話呢次到訪發現當地喺互聯網產業上已創造出非凡成就。有當地官員解釋，土地唔多，無辦法發展工業，所以?眼互聯網產業，又話好多國家級互聯網公司都喺杭州設立總部，其中唔可以唔提阿里巴巴集團。

攝像產品助減犯罪率

內地監控技術犀利，葉太就介紹佢哋參觀咗以視頻為核心、全球員工逾2.6萬人嘅「海康威視數字技術股份有限公司」，該公司嘅全球視頻監控技術，連續6年蟬聯全球視頻監控市場佔有率嘅第一位，當地公安部嘅濱江110指揮中心都採用由海康威視研發嘅「貓眼」、「天眼」及「火眼」攝像產品，透過高空監察、人臉識別及大數據等技術，有效監察區內犯罪活動，例如汽車超速、路上搶劫案件等，大大減低當地犯罪率。葉太話，向公安部笑言，如果當年佢做保安局長有呢啲設備，「拘捕張子強便不用那麼辛苦了」。