【明報專訊】作為解放軍建軍90周年獻禮影片嘅《建軍大業》今個星期四喺香港上映，噚晚於會展舉行首映禮。呢套講述共產黨建軍嘅電影，首映禮冠蓋雲集，好似特首林鄭月娥，全國政協副主席董建華、梁振英，中聯辦主任張曉明，解放軍駐港部隊政委岳世鑫等都有到場。 呢套電影其中一間製作公司係寰亞電影，而噚晚首映禮扣除必要開支後，將會為政黨經民聯成立5周年籌募發展經費，點解咁筍為政黨籌款？皆因寰亞電影老闆咪係經民聯監事會主席林建岳囉。 《建軍大業》係繼《建國大業》、《建黨偉業》之後，「建國三部曲」系列嘅第三部作品，電影由韓三平任總策劃兼藝術總監，劉偉強執導，套戲以1927年共產黨針對國民黨發起嘅南昌起義為背景，講述當年共產黨建軍過程。
|
| |
| |
;){kind=small}
