【明報專訊】立法會噚日辯論由公民黨毛孟靜提出有關保障香港不受「大陸化」嘅動議，促請政府尊重本土歷史文化，履行《基本法》嘅承諾。相信大家都諗到，Miss Mo關心嘅，當然包括好似政府要將皇冠郵筒去殖化等問題。負責回應呢個動議嘅民政事務局，就先以「本土」禮物回應，噚日向70個議員送出印有港式文化與絲襪奶茶等相片嘅2016年月曆，唔知算唔算回應Miss Mo。 民政事務局政治助理徐英偉(Caspar)，噚日下午突然變身搬運工人現身立法會，推住擺有兩大紙箱嘅手推車，仲落手落腳搬來搬去，原來佢哋預備咗幾十個月曆送畀所有議員。Caspar話月曆係政府新聞處製作，印有好似西九大戲棚、絲襪奶茶等等象徵本土文化嘅相片。
|
| |
| |
;){kind=small}
