【明報專訊】秋高氣爽，最啱到戶外玩樂，仲未諗到周末好去處？唔緊要，西九「自由約」喺嚟緊星期日又嚟啦！今次西九文化區管理局邀請到香港管弦樂團，將演奏多首著名作曲家舒伯特及柴可夫斯基嘅作品，相信喺藍天草地上欣賞古典音樂必定有另一番感覺。
而由著名藝術家Luke Jerram發起嘅街頭鋼琴藝術活動「Play Me, I'm Yours」亦會巡迴來到「自由約」。6座鋼琴散落公園不同角落，歡迎大家即場獻技。活動由下午兩點開始，晚上7點結束。
濕地公園周末續辦導賞團
另外，漁護署今個周末亦會繼續舉辦濕地公園導賞團，由生態導賞經驗豐富嘅導賞員帶領大家走入濕地世界，最適合親子一齊參加。
濕地公園正舉行「精彩濕地」相片收集活動，市民只需遞交喺公園內拍攝動植物嘅作品，即可換領紀念品，活動將舉辦至下個禮拜一。
