【明報專訊】國家主席習近平上周�鬘_京主動搵財政司長曾俊華握手，被視為係中央默許曾俊華2017年參加「特首跑馬仔」�麉H號，令政界又再掀起特首人選討論。自由黨榮譽主席田北俊都話財爺係下屆特首選舉「恰當人選之一」，至於其他黑馬，例如前財政司長梁錦松同新民黨主席葉劉淑儀係咪恰當人選，田少就話唔評論。

田拒評阿松葉劉係咪適合

除�鬙苳硍}腔，全國政協常委唐英年都話自己同財爺共事多年，好清楚佢�麍陘H，「如果佢有意願參選，我覺得係好事」，但唐唐強調「唔係代表我特別支持曾生，或者唔支持」。

田少噚日接受民主黨主席劉慧卿網台節目《議會內外》訪問，被問到特首梁振英(CY)連任機會大唔大，田少認為最重要係佢爭取連任時民望如何，又話直覺覺得CY都想連任。至於自由黨撐唔撐CY連任，田少話要睇睇CY餘下任期�麊穛{。

卿姐就話自己收過一個電話民調，係問「梁振英、葉劉淑儀同田北俊，你揀邊個做特首」，但卿姐無揀到，因為希望有第四個選擇，佢強調唔係唔撐田少。咁田少會唔會去選特首？佢都係�鶗y「無無無……自己做慣老闆」，唔慣服侍市民、北京同財團。

唐英年噚日出席一個公開活動時，被問到政改被否決，會唔會增加CY連任機會，唐唐話唔同意，因為有選舉就會有變數，「2012年(特首選舉)時，個個都話我贏，我係熱門�薄A有選舉就會有變數，所以冷門一樣跑得出」。