【明報專訊】保釣行動委員會成員早前欲乘保釣船「啓豐二號」出海「失敗」，估計最快要到4月先至會再次出發到釣島宣示主權。不過，成員曾健成(阿牛)就話，唔單止海事處阻止佢哋出海，噚日仲收到自稱係香港靖國神社崇敬奉賛會嘅一封信，聲稱如果成員繼續保釣行動，又或者透過揑造「南京大逃殺」侮辱日本人，該會將採取法律行動云云。 阿牛話，收到封信時好好笑，因為第一次收到呢封信，對方就寫自己位於天水圍天葵路，但就無註明具體地址，搞到佢想回信都唔得。至於佢對於可能因為出海而被起訴，就話「無任歡迎」，「睇吓佢想去東京、北京定香港告」。阿牛仲話會繼續前往釣魚台，「迎頭痛擊」軍國主義。
|
| |
| |
