【Emily】梁熙愚人節自嘲「成功爭取小西灣站」
[2022.04.02] 發表
【明報專訊】噚日喺4.1愚人節，唔少人都喺社交媒體放「流料」自娛。民建聯立法會議員梁熙去年選舉時，話要爭取興建西灣河地鐵站，成為一時佳話，事後解釋口快講錯，其實係想話爭取建小西灣地鐵站。佢噚日重提舊事，喺facebook出post話「成功爭取小西灣站」，話「小西灣站」噚日通車，現時屬試行階段，期間限定4月1日運行；仲自嘲話好高興西灣河站啟用37年後，終於有小西灣站。
梁熙當然係講笑啦，註明「愚人節快樂」、「爭取尚未成功 」。有網友就喺帖文留言，話小西灣居民真係需要接通地鐵，叫佢唔好講完笑就算，真係要幫手爭取。有網民就放負，話「民建聯不嬲講開謊言，今日竟然會認自己講真話(真嘅謊話)」 。
警出post提小心投資騙局
警方噚日都應節出post，話「愚人假投資平台•咪試當真」，話現實上日日都係騙徒嘅愚人節，因為騙案日日發生，提醒如果遇到投資平台時要小心搜尋資料了解，因為有可能係投資騙局。
更多港聞
【Emily】獄中寄信太太 阮民安：會努力撐住
【明報專訊】歌手阮民安（Tommy）被控「作出一項或多項煽動意圖的作為」罪，正還押候審。太太張倚雯（Eva）喺facebook公開部分獄中信... 詳情
相關新聞
