【Emily】獄中寄信太太 阮民安：會努力撐住
[2022.04.02] 發表
【明報專訊】歌手阮民安(Tommy)被控「作出一項或多項煽動意圖的作為」罪，正還押候審。太太張倚雯(Eva)喺facebook公開部分獄中信件，Tommy話好掛住老婆，亦感嘆「原來無自由係咁痛苦的」。Eva寄語老公唔好放棄，「或許在天長地久之前，我們要學會如何分開」。
Tommy封信係今年2月寫嘅，以「老公Fat Boy」做下款。佢喺信中向老婆示愛，話「永遠愛妳，好掛住妳」，亦應承對方「我會努力撐住」。
Eva喺帖文話，深夜重複睇到Tommy寫嘅信，就諗起一齊嘅10年時光。佢記得Tommy知道佢湊小朋友好鬱悶，夜晚會拉佢落街傾偈，「我知道你總是什麼也頂得住，希望這次你也努力撐住」。佢形容自己係畀Tommy保護嘅小樹，相信經過風吹雨打後，可以變得堅強，「我會以最好的狀態生活下去，做好自己，其餘的交給時間」。
更多港聞
相關新聞
