【明報專訊】政府噚日公布多個諮詢組織委任安排，比較特別係民主黨區議員袁海文，獲委任1月1日起做消委會委員。袁海文話，唔覺得入消委會等於加入建制，話唔會理今次係咪代表政府向民主黨示好，自己加入消委會係想推動法例改革，等唔使咁多消費者受唔公平對待。

政府公布委任馮潔鳴、麥嘉晉、彭楚夫同袁海文成為消委會委員。袁海文話據佢記憶，對上一個消委會�鴷薔D黨員係李華明，李��2013年離任。袁海文話7月有政府中人接觸佢，問佢加入意向，佢問過黨內意見，亦希望�鰨攭e會推動保障市民權益，於是同意加入。

稱議辦續接投訴個案

袁海文話加入消委會後，議辦會繼續接投訴個案，同消委會雙軌咁做。佢話「入會」係希望推動落實消費交易冷靜期政策，亦想推動透過仲裁解決小商戶同消費者�麊�紛，仲要諗方法加強消費者私隱保障，因近年市民�鷅穭W或用App消費要提供個人資料，究意點保障資料唔會被濫用，消委會都應有角色。

另外，政府委任廉署相關委員會非官方成員。香港總商會主席夏雅朗新任審查貪污舉報諮詢委員會成員；廉政公署事宜投訴委員會有4大新成員，包括新民黨容海恩、民建聯何俊賢、前議員狄志遠同前申訴專員劉燕卿。