【明報專訊】去咗美國進修嘅香港眾志羅冠聰噚日喺facebook話，已經同候任南區區議員袁嘉蔚(Tiffany)分手、結束5年感情。兩人喺2014年雨傘運動結緣，一齊經歷好多風雨。阿聰話，雙方係性格不合而分開，多謝袁嘉蔚過去幾年嘅照顧同互諒，「讓我有着人生永誌難忘嘅5年」。 網民鼓勵唔做情侶可做戰友 臨近聖誕節公開交代分手，應該係好傷痛。過去5年，阿聰同Tiffany一齊經歷傘運、學聯退聯潮、阿聰當選立法會議員但被DQ等。阿聰今年暑假去咗美國讀書，Tiffany就喺香港打區議會選戰，選舉日羅媽媽亦有去幫Tiffany 助選。 阿聰喺facebook話過去幾個月，雙方都感受到性格不合帶嚟嘅傷害，也因此更了解對方。阿聰寫到，「有一段時間我都無法形容我嘅痛楚同憂傷」。唔少網友都鼓勵雙方，話即使唔再係情侶，都可以係戰友，繼續為香港奮鬥。
|
| |
| |
;){kind=small}
;)
