【明報專訊】北京大學教授陳端洪噚日喺香港大學出席「2019港大北大法律研究年會」，席間陳教授講到修訂《逃犯條例》嘅風波時，激動到拍枱，皆因佢覺得現有嘅《逃犯條例》將中國大陸排除在外，「是一個錯誤」。 好多港大同北大嘅法律界學者噚日都有出席呢個年會。陳端洪話，早喺20年前就應該修訂《逃犯條例》，話條例將中國大陸排除在外，根本「是一個錯誤」、「一個工作失誤」。 陳文敏：內地有死刑所以傾唔成 同場嘅港大法律學院教授、名譽資深大律師陳文敏就話，其實回歸後係有討論過香港同內地移交逃犯嘅問題，但基於中國大陸仲有死刑，所以傾咗好耐都未傾到。 同場仲有剛剛卸任嘅台灣司法院前大法官湯德宗，但佢講明自己身分敏感、剛剛卸任大法官，所以唔方便講任何同陳同佳案相關嘅事。
|
| |
| |
;){kind=small}
;)
